Inson papilloma virusi jinsiy yo'l bilan yuqadigan eng keng tarqalgan infeksiyadir.
Biroq, infeksiya yuqishining boshqa usullari - onadan bolaga yoki maishiy-aloqa yo’li bilan ham yuqishi mumkin.
Har yili dunyo bo'ylab 6 millionga yaqin odam ushbu virus bilan kasallanadi. Ammo kasallanish yanada yuqori ekanligi taxmin qilinadi - virus ko'pincha asemptomatik tarzda tashiladi¹.
Ushbu virusning xavfliligi nimada?
Inson papilloma virusi neoplazmalarni keltirib chiqarish qobiliyati tufayli xavflidir: ham bezarar – davolasa bo’ladigan, hamda xatarli, yomon sifatli bo’ladi.
Shuningdek, Inson papilloma virusi bachadon bo'yni saratoniga olib kelishi mumkin. Bu Rossiyada onkologik kasalliklar tarqalishi bo'yicha 2-o'rinda (ko'krak bezi saratonidan keyin) va yosh va faol ayollar orasida o'lim holatining birinchi sababchisidir.
Ushbu virus vulva, qin, anus, jinsiy olat saratoni, shuningdek bo’g’iz va og'iz bo'shlig'i saratoniga olib keladi. Bu yerda onkologiyaning "Ayollar" turlari ko’proq uchrashi bejiz emas: ayollarda Inson papilloma virusi erkaklarga qaraganda 2-3 marta ko’proq kuzatiladi.
Saraton kasalligidan tashqari Inson papilloma virusi qaytalanuvchi respirator papillomatozga olib kelishi mumkin. Bu nafas yo'li sohalarida (ko’pincha hiqildoqda) so’gal paydo bo'lishi bilan kechadigan kasallikdir. Bu kasallik bilan tug'ruq paytida onasidan infeksiya yuqtirgan 5 yoshgacha bo'lgan bolalar yoki 30 yoshgacha bo'lgan insonlar kasallanadilar. Bolalar uchun bu holat o’ta xavflidir: papillomatoz tufayli ular ko'pincha jarrohlik aralashuviga uchraydi, agar davolanilmasa o'lim oqibatiga olib kelishi mumkin.
Biroq qattiq qo'rqib ketishga hojat yo’q: ko'pincha virus organizmdan "o'zini chiqarib yuboradi". Shunday bo’lsa ham davolanishni e'tiborsiz qoldirmaslik kerak: Statistik ma'lumotlarga ko'ra, bemorlarning 20-30 foizida virus organizmda qoladi, 5-10 % bemorlarda esa xavfli kasalliklarga olib kelishi mumkin.
Ayniqsa virus immuniteti zaif insonlar: masalan, homilador ayollar va OIV infeksiyasi bo'lgan bemorlar uchun xavflidir¹.
Inson papilloma virusidan qanday qilib shubhalanish mumkin?
Inson papilloma virusining ko'rinib turadigan belgisi - so’gallardir. Odatda ular infeksiya yuqqandan keyin 1-6 oy o'tgach paydo bo'ladi. Inson papilloma virusi sababli kelib chiqqan so’gallar odatda kichik, yumshoq, nam va kulrang yoki pushti rangda bo’ladi. Ular odatda hech qanday yoqimsiz hissiyotlarni keltirib chiqarmaydi, biroq ba'zida bemorda neoplazmalar sohasida noqulaylik, achishish yoki qichishish paydo bo'lishi mumkin.
Bu so’gallar odatda intim joylar, ko'pincha ularning mavjudligi sezilmasligi mumkin bo'lgan joylarda joylashgan bo’ladi.
Ayollarda ular odatda vulva, bachadon bo'yni, qin devori, perineum, uretra – siydik yo’li yoki orqa chiqaruv teshigi sohasida o'sadi.
Erkaklarda - toj bo'shlig'i, jinsiy olat o'zagi, sunnat terisi ostida yoki siydik chiqarish kanali sohasida paydo bo’ladi. Shuningdek so’gallar anal soha yoki to'g'ri ichakda ham paydo bo'lishi mumkin.
16 va 18 turdagi viruslar ko'zga ko'rinmaydigan jarohatlarga olib kelishi mumkin. Va aynan shu turlari boshqalariga qaraganda ko'pincha saratonga olib keladi.
Inson papilloma virusi qanday davolanadi?
Bugungi kunga qadar Inson papilloma virusini maxsus davolash usuli mavjud emas. Shuning uchun shifokorlar virusga qarshi faollikning keng spektriga ega bo'lgan va immunitetni oshirishga yordam beradigan dori preparatlaridan foydalanishni tavsiya qiladilar.
Interferon alfa-2b asosidagi dori vositalari, masalan, VIFERON juda mos keladi. U Inson papilloma virusi mavjud bo'lganda kompleks terapiyada sifatida ham, kasallik qaytalanishining oldini olish uchun ham qo'llaniladi. Shuni hisobga olish kerakki, Inson papilloma virusi interferon ishlab chiqarishni to’xtatadi va aynan bu narsa kasallikning qaytalanishiga olib kelishi mumkin. Shu sababli tarkibida interferon alfa-2b mavjud bo’lgan VIFERON preparati bu qaytalanishlarning oldini oladi. VIFERON preparati shuningdek, jarayon rivojlanishini to'xtatishga ham qodir.
Uni, shu jumladan Inson papilloma virusi sabab bo'lgan papilloma va kondilomalar olib tashlanganidan keyin ham tavsiya etilishi mumkin³. Bundan tashqari, tarkibida shaftoli yog'i bo’lgan VIFERON mazi – malhami yaralarning bitish jarayonini tezlashtiradi va undan kasallik qaytalanishning oldini olishda foydalanish mumkin⁴.
Sham shaklidagi VIFERON preparati kattalarda, shu jumladan homilador ayollarda Inson papilloma virusini davolash uchun tavsiya etiladi. Kattalar uchun 1 000 000 ME va 3 000 000 ME dozalarda 3 yoki 4 bosqichli sxema bo’yicha foydalanish tavsiya etiladi.
Homiladorlikning 14-haftasidan boshlab homilador ayollarga 10 kun davomida kuniga 2 marta 500 000 ME dan 1 ta shamcha, so'ngra 3 kunlik interval bilan 9 kun davomida qabul qilish tavsiya etiladi. Keyinchalik tug'ruqqa qadar har 4 haftada kuniga 2 marta 150 000 ME dan 1 ta shamcha 5 kun davomida qabul qilinadi. Homiladorlikning 38-haftasidan boshlab 10 kun davomida kuniga 2 marta 500 000 ME dan 1 ta shamchadan foydalanish tavsiya etiladi⁵.
O’zingizni asrang.
* Material keng omma uchun mo'ljallangan. Ushbu bo'limda keltirilgan ma'lumotlar shifokor tibbiy maslahatini tashkil etmaydi yoki uning o'rnini bosa olmaydi. Shifokor bilan maslahatlashish zarur.
Manbalar:
3) https://omnidoctor.ru/upload/iblock/b15/b15339c74930dfad0e7bd9549a6716b5.pdf
4) https://viferon.su/viferon/viferon-maz-instrukciya/
5) https://viferon.su/viferon/viferon-suppozitorii-instrukciya/
