Yurak kasalligining asoratlari. Qisqa va aniq tarzda.
Biz surunkali yurak yetishmovchiligi haqida gapiramiz
Tayyor bo'lmagan odam uchun - bu qo’rqituvchi, tushunarsiz so'zlar to'plamidir. Keling, buni mutaxassislar bilan birgalikda aniqlaymiz. Biz har bir atamani tushunarli tilda tushuntirib beramiz. 7 daqiqada siz bu nima ekanligini, qanday namoyon bo'lishini va kim xavf ostida ekanligini bilib olasiz.
Bu nima?
Yurak etishmovchiligi - yurak o'z vazifasini bajara olmaydigan holat. Yurak – bu mushakdir. U zaif yoki elastik emas bo'lishi mumkin. Nima bo’lganda ham, butun tanada qon oqimi kamayib shu bilan birgalikda barcha organlar azoblanishi mumkin.
Ko'p odamlar o'tkir yetishmovchilik haqida eshitgan. Surunkali esa asta-sekin rivojlanadi.
Keling, vaqtni tejaymiz va "SYY" deb yozishni davom ettiramiz.
Ushbu kasallik ikki turga bo'linadi.
"Chiqish fraktsiyasi kamaygan SYY." Bunday holda, yurak mushaklari zaiflashadi va samarasiz qisqaradi.
Ikkinchisi "saqlanib qolgan chiqish fraktsiyasi SYY" deb ataladi. Yurak kuchli va qonni torta oladi, ammo mushakning elastikligi pasayadi. Bu yurakni qon bilan to'ldirishning buzilishiga olib keladi.
Keling, uning paydo bo'lishining sabablari haqida so’zlashamiz.
Nima uchun SYY paydo bo'ladi?
Ushbu kasallik asta-sekin rivojlanadi. Alomatlar bir necha yil davomida kuchayishi mumkin.
SYYning asosiy sabablari quyidagilardan iborat:
- ishemik kasallik, miyokard infarkti, gipertoniya;
- surunkali kasalliklar (masalan, diabet);
- aritmiya - yurak ritmi yo'qolgan holat;
- yurak qopqog'i nuqsonlari;
- tug'ma yurak kasalliklari;
- miokardit - yurak mushagining yallig'lanishi¹.
Ushbu ro'yxatdan SYY boshqa kasalliklarning asoratlari sifatida rivojlanishi ko’rinib turibdi.
SYY alomatlari
SYY holatida mushaklar va organlar yetarli qon, kislorod va ozuqa moddalarini olmaydilar. Suyuqlik qon tomirlarida to'planib, tana to'qimalariga kirib, nafas qisilishi va shish paydo bo'lishiga olib keladi.
Bir qator alomatlar paydo bo'ladi:
- zaiflik va charchoq;
- jismoniy mashqlar paytida va dam olishda nafas qisilishi;
- tez yurak urishi;
- suyuqlikni ushlab turish tufayli vazn oshishi;
- oyoqlarning shishishi².
SYY bilan aziyat chekayotgan bemorda barqaror va beqaror holat ajralib turadi. Ular kompensatsiya va dekompensatsiya deb ataladi. Stabil bo'lmagan holatda alomatlar kuchayadi. Bu quyidagi sabablarga ko'ra sodir bo'lishi mumkin:
- ko'p miqdorda tuz va suyuqlik iste'mol qilish;
- shifokor retseptisiz dori-darmonlarni qabul qilishni to'xtatish yoki dozani kamaytirish;
- ortiqcha jismoniy yuk;
- shomollash;
- og'riq qoldiruvchi va yallig'lanishga qarshi dorilarni qabul qilish;
- spirtli ichimliklar, hatto zaiflari ham;
- asabiylashish;
- uyqu yetishmasligi³.
Shuni unutmashimiz kerakki, SYY - bu boshqa kasalliklarning asoratidir. Agar sizda yuqoridagi ro'yxatdagi kasalliklardan biri bo'lsa, bu qo'shimcha tekshiruv uchun shifokorga murojaat qilish sababi deganidir.
MUTAXSUS MASLAHAT TALAB QILINADI.
Material keng auditoriya uchun mo'ljallangan. Ushbu maqoladagi ma'lumotlar tibbiy maslahat emas va uning o'rnini bosmaydi.
ИСТОЧНИКИ:
-
https://www.heartfoundation.org.au/conditions/heart-failure Что такое сердечная недостаточность.
-
Клинические рекомендации. Хроническая сердечная недостаточность (ХСН) // Общество специалистов по сердечной недостаточности Российское кардиологическое общество, 2016. С.11.
-
https://scardio.ru/rekomendacii/rekomendacii_rko_close/ Клинические рекомендации: Хроническая сердечная недостаточность