Saraton – ham bemor, ham uning yaqinlari uchun dahshatli tashhisdir. Afsuski, butun dunyo bo'ylab saraton kasalligiga chalinganlar soni o'sishda davom etmoqda.
Biroq yaxshi yangiliklar ham bor: shu bilan birgalikda saratonni erta aniqlash uchun yangi texnologiyalar paydo bo’lmoqda, shuningdek, bemorlar hayotini uzaytiruvchi va uning sifatini yaxshilashga yordam beradigan davolash usullari ishlab chiqilmoqda. Bugun biz sizga organizmga salbiy ta'sir ko'rsatishi mumkin bo'lgan holat va davolash natijalari – to’yib ovqatlanmaslik haqida gapirib beramiz.
Ma'lumki, onkologik kasalliklar ham, qo'llaniladigan davolash usullari ham organizmning holsizlanishi va zaiflashishiga olib kelishi mumkin. Organizm qanchalik zaif bo'lsa, uning kasallikka qarshi turish qobiliyati shunchalik past bo'ladi. Bu davolanish natijalarini yomonlashtiradi va o'lim oqibati ehtimolini oshirishi mumkin. Bundan tashqari, organizmning kuchsizlanish darajasi bemorning umr ko'rish davomiyligiga bevosita ta'sir ko’rsatadi.
Nima uchun to’yib ovqatlanmaslik paydo bo'ladi?
Ushbu holatning yuzaga kelish sababi kasallikning o'zida yotadi va fanga ozib ketish rivojlanishining bir nechta mexanizmlari ma’lum. Oddiy qilib aytganda, onkologiyada qayta qurish deb ataladigan hodisa sodir bo'ladi: ovqat, mushaklar va yog’ to’qimalaridagi oziqlantiruvchi moddalarni o’simta o’ziga “tortib oladi”.
To’yib ovqatlanmaslikning birinchi belgilari
1. Oxirgi 3-6 oy ichida rivojlanayotgan va bemorning ozish istagi bilan bog'liq bo'lmagan vazn yo'qotish.
2. O’tib ketmaydigan charchoq - doimiy zaiflik hissi, kuch yetishmasligi.
3. Ovqat iste'mol qilish qobiliyatiga ta'sir qiladigan terapiyadan nojo'ya ta'sirlarning paydo bo'lishi. Bu, masalan, og'izdagi og'riq, ko'ngil aynishi yoki qusish, diareya – ich ketishi, og'iz yoki tomoqning qurib qolishini o'z ichiga olishi mumkin.
4. Mushaklar kuchining pasayishi (mushaklar zaifligi).
Bunda nima qilish mumkin?
Ushbu muammoni hal qilishda maxsus vositalar yordam berishi mumkin. Organizmda ozuqa moddalari yetishmasligini qoplaydigan ozuqaviy aralashmalar mavjud. Va bunday vositalarni imkon qadar ertaroq iste’mol qilishni boshlash juda muhim: bu davolash samaradorligini oshiradi.
Onkologiyada nutritiv qo’llab-quvvatlash – klinik ovqatlantirish quyidagi holatlarda yordam beradi:
-
optimal vaznni saqlash;
-
davolash samarasini kamaytirishdan saqlanish;
-
jarrohlik operatsiyasi, nur va kimyoterapiyadan keyin nojo'ya ta'sirlar xavfini kamaytirish;
-
kombinatsiyalangan davolash kursini muddatidan oldin to'xtatish zaruratidan qochish;
-
organizm uchun zarur bo'lgan moddalar yetishmasligining oldini olish;
-
bemorning hayot sifatini yaxshilash.
Statistik ma'lumotlarga ko'ra, ovqatlanish yetishmovchiligi bo'lgan saraton kasalligiga chalingan bemorlarning 40-50 foizida ta'mni qabul qilishning buzilishi muammolari yuzaga keladi, o’simtaga qarshi davolash o’tkazilganda ushbu muammo chuqurlashishi mumkin. Ta'mni his qilish asosida individual ovqatlanish tanlovi bemorlarning hayot sifatini sezilarli darajada yaxshilashi mumkin.
Ta’m bilish sezgisi buzilgan onkologik bemorlarni qo'llab-quvvatlashning yagona yechimi Nutrikomp® Drink Plyus hisoblanadi. Bu suyuq aralashma bo'lib, uning tarkibi to’yib ovqatlanmaydigan bemorlarning ehtiyojlarini hisobga olgan holda muvozanatlashgan. 200 ml ichimlik tarkibida 12 g oqsil, 40 g uglevod va 10 g yog', shuningdek, muhim vitaminlar, minerallar va mikroelementlar, shu jumladan omega-3 yog 'kislotalari mavjud. Yuqori energetik qiymati (200 ml uchun 300 kkal) oz miqdordagi ichimlikdan yetarli miqdorda energiya olish imkonini beradi. Bu ishtahasi past bemorlar uchun ayniqsa muhimdir.
Shifokor retsepti bo’yicha Nutrikomp Drink Plyusdan yagona oziq-ovqat manbai sifatida foydalanish mumkin, biroq ko’pincha uni asosiy ratsionga qo’shimcha sifatida tavsiya qiladilar.Dorixonalarda vanil, shokolad, banan va qulupnay ta’miga ega ichimliklarni xarid qilish mumkin.
Preparat steril qadoqlarda taqdim etilgan, bu esa organizmga infeksiya tushishining oldini olishga yordam beradi.
Sog’ bo’ling.
Manbalar:
1) https://oncology-association.ru/wp-content/uploads/2020/09/nutritivnaya-podderzhka.pdf
4) https://cyberleninka.ru/article/n/optimizatsiya-parenteralnogo-pitaniya-v-onkologii/viewer
5) https://cyberleninka.ru/article/n/otsenka-nutritivnogo-statusa-u-onkologicheskih-bolnyh/viewer
