Saraton kasalligining oldini olish usullari bormi?
Ha, ular orasida biz quyida muhokama qiladigan asosiy tamoyillarni ajratib ko'rsatishimiz mumkin.
Doimiy tekshiruvlar
Bu, ehtimol, eng muhim profilaktika usuli - onkologlarning muntazam tekshiruvi va skrining tekshiruvlaridan o'tish. Saratonni erta aniqlash davolashni dastlabki bosqichlarda, tiklanish ehtimoli ancha yuqori bo'lganda boshlash imkonini beradi.
Ayollarga ko'krak bezi saratonini aniqlash uchun mammogramma, erkaklarga esa prostata saratonini aniqlash uchun prostata antigenini tekshirish tavsiya etiladi.
Sog'lom turmush tarzi.
Sog'lom turmush tarzi saraton kasalligining oldini olishning muhim tarkibiy qismidir. Muntazam jismoniy mashqlar sog'lom vaznni saqlashga yordam beradi, immunitet tizimini mustahkamlaydi va saraton xavfini kamaytiradi. Meva, sabzavot, don va yog'siz oqsillarga boy sog'lom ovqatlanish tanangizni kuchli saqlashga yordam beradi va saraton xavfini kamaytiradi.
Va albatta, yomon odatlardan voz kechish: chekish, spirtli ichimliklarni iste'mol qilmaslik. Chekish o'pka, og'iz, tomoq, qizilo'ngach va boshqa organlar saratoni rivojlanishining asosiy xavf omillaridan biridir.
Kanserogenlar ta'sirini minimallashtirish
Kanserogenlar saratonga olib kelishi mumkin bo'lgan moddalardir. Asbest, benzopiren, formaldegid va boshqalar kabi moddalar bilan aloqa qilmaslik saraton rivojlanish xavfini kamaytirishga yordam beradi.
Bundan tashqari, saraton kasalligiga genetik moyillik sabab bo’lishi mumkun. Agar oila a'zolari saraton kasalligiga chalingan bo'lsa, profilaktikaga alohida e'tibor berish va mutaxassislar tomonidan muntazam tekshiruvdan o'tish kerak.
Ushbu oddiy qoidalarga rioya qilish saraton rivojlanish xavfini kamaytirishga, sog'lig'ingizni saqlashga yoki rivojlanayotgan kasallikni erta bosqichda"ushlash", uni bartaraf etilishga yordam beradi.
Qo'shimcha ma'lumot olish uchun mutaxassis bilan bog'laning.
MUTAXSUS MASLAHAT TALAB QILINADI.
Material keng auditoriya uchun mo'ljallangan. Ushbu maqoladagi ma'lumotlar tibbiy maslahat emas va uning o'rnini bosmaydi.
